Та бидний мэдэх Өгий нуур

Та бидний сайн мэдэх Өгий нуур нь нь Архангай аймгийн зүүн зүгт орших Өгий нуур суманд харьяалагддаг. Өгий нуур сум нь 1618 км2 газар нутагтай, далайн төвшнөөс дээш 1327-1665 метр өндөрт өргөгдсөн, хуурай дулаан уур амьсгалтай, тал хээрийн бүсэд багтдаг. Сумын төв нь аймгийн төв Цэцэрлэг хотоос 100 км, Улаанбаатар хотоос 360 км зайд оршино. Тамирын гол ба Орхон голын уулзвар орчимд байрлах тус сум нь Өгий нуурын нэрээр нэрлэгджээ.

Загасчдын очих дуртай газруудыг нэг бол яах аргагүй Өгий нуур юм. УБ хотоос хамгийн ойр, загастай, сайхан байгальтай нуурын нэг. Нуур нь цэнгэг устай бөгөөд Рамсарын конвекцод бүртгэлтэй, мөн загас, шувуу элбэгтэй. Тус нуурын тал орчим хувь нь 3 метрээс бага гүнтэй. Нуурын эргэн тойронд хэд хэдэн жуулчны бааз байрладаг МУ-ын аяллын жуулчлалын салбарын гол цэгүүдийн нэг. Зөв зохистой аялж, барьсан загасаа усанд нь эргүүлэн тавиарай.